Cupcake အိုင်ဒီယာ

ကိတ်မုန့်ဆိုတာ အရင်တုန်းက အရွယ်အစားအကြီးတစ်မျိုးပဲ ရှိခဲ့ပေမယ့် နောက်ပိုင်းမှာ cupcake ဆိုတဲ့ ကိတ်မုန့် သေးသေးလေးတွေ ပေါ်လာတယ်။ ကိတ်အကြီးကြီး ကို ဝယ်စရာမလိုသေးပဲ ကြိုက်မကြိုက်သိအောင် ကိတ်ဆိုင်တွေက ကိတ်သေးသေးလေးတွေကို ထုတ်လုပ်လာခဲ့ကြပါတယ်။

ဝယ်ယူမှုအကြီးကြီးကို မလုပ်ခင် … ဝယ်ယူမှုသေးသေးလေးတစ်ခု ဆိုတာ ဆိုင်နဲ့customer ကြား ယုံကြည်မှုတစ်ခု တည်ဆောက်ပေးပါတယ်။

အစပထမတော့.. ဆိုင်ကနေ cup cake သေးသေးလေးတစ်ခု ဝယ်စားမယ်။

နောက်.. ပြီးရင် … ကိတ်တစ်ပိုင်းလောက် ဝယ်စားမယ်။

နောက်..ပြီးရင် … ကိတ်တစ်ဝက်လောက် ဝယ်စားမယ်။

နောက်..ပြီးရင် … မွေးနေ့ကိတ်တစ်ခုလုံး ဝယ်စားမယ်။

ဒါကြောင့် … Cupcake ကိတ်သေးသေးလေး ဆိုတာ အရွယ်သေးပေမယ့် အစွမ်းကြီးပါတယ်။

cupcake ရောင်းတာ ..အမြတ်ရဖို့မဟုတ်ပါဘူး။ ယုံကြည်မှု ရဖို့ပါ။

အဓိကအားဖြင့် ရည်ရွယ်ချက် က (၃) ခု ရှိပါတယ်။

(၁) ဆိုင်နဲ့စားသုံးသူကြား ယုံကြည်မှု တစ်ခု ဖြစ်စေဖို့ ။

(၂) ကိုယ့်ထုတ်ကုန်ရဲ့အရည်အသွေးကို စမ်းကြည့်စေချင်လို့။

(၃) customer ကနှစ်ခြိုက်ရင် ကိတ်အကြီးကြီး ဝယ်ယူဖို့အလားအလာဖြစ်လာစေဖို့ ။

… ဆိုတဲ့ ရည်ရွယ်ချက်သုံးခု နဲ့cupcake ကို ရောင်းခြင်းဖြစ်ပါတယ်။

ကျွန်တော် ပြောချင်တာ Cupcake အကြောင်းမဟုတ်ပါဘူး။

Cupcake ကပေးတဲ့ မားကက်တင်း သင်ခန်းစာ တစ်ခုကို ပြောချင်တာပါ။

စီးပွားရေးလုပ်ငန်းတစ်ခုအနေနဲ့…

ကိုယ့်ဆိုင်မှာ ရောင်းတဲ့ ပစ္စည်းတိုင်း မြတ်ဖို့မလိုပါဘူး။

အချို့ပစ္စည်းတွေက အရင်းအတိုင်းရောင်းတာဖြစ်ချင်ဖြစ်မယ် ..

အချို့ပစ္စည်းတွေက အရှုံးခံပြီးရောင်းတာဖြစ်ချင်ဖြစ်မယ်..

Cupcake ဆိုတဲ့ ပစ္စည်းမျိုးက .. ဗျူဟာအရ ရောင်းတာဖြစ်တယ်၊

စားသုံးသူကြားကိုယ့်ပစ္စည်းကို ယုံကြည်မှုတစ်ခုတည်ဆောက်ဖို့ရောင်းတာဖြစ်ပြီး ၊

အခြားကြီးမားတဲ့ဝယ်ယူမှုကို ဖြစ်စေနိုင်လို့စမ်းမြည်းကြည့်ခိုင်းတာဖြစ်ပါတယ်။

ဒါကြောင့် အချို့ပစ္စည်းတွေကို အရှူံးခံပြီး ရောင်းရမှာ မကြောက်ပါနဲ့။

အချို့ပစ္စည်းတွေကို အခမဲ့ မြည်းစမ်းခိုင်းဖို့ ဝန်မလေးပါနဲ့။

Cupcake ကိတ်သေးသေးလေးတစ်ခုလို …

ရည်ရွယ်ချက်သာ ပြီးမြောက်ပါစေလေ ။ ။

#မာသင်