လိပ်ပြာ ပြတိုက်

လိပ်ပြာသေ လေးတစ်ကောင် လမ်းမှာတွေ့သည်။

အမှိုက်ဖြစ်သည်။

ဘယ်သူမှ ဂရုမစိုက်ကြ။

ကောက်လာပြီး သိမ်းထားလိုက်သည်။

နောက်နေ့.. နောက်တစ်ကောင်တွေ့သည်။

သိမ်းထားလိုက်သည်။

နောက်နေ့ … မတွေ့တော့ပေမယ့် လိပ်ပြာ ကိုရှာတတ်လာသည်။

နောက်နေ့ … လိပ်ပြာကို ရှာပြီး စုသည်။

တစ်ရက်ပြီး .. တစ်ရက်… အမျိုးအမည်မသိ လိပ်ပြာများ စုသည်။

ကြာလာတော့ .. လိပ်ပြာမျိုးစုံ ရောင်စုံပြတိုက်ကြီး ဖြစ်လာသည်။

မြင်ကြသူအပေါင်းတို့ က ..

အံ့ဩကြသည်။

ချီးကျူးကြသည်။

လက်ခုတ်ဩဘာတီးကြသည်။

လိပ်ပြာသေ တစ်ကောင်တည်းဆိုလျင်.. အမှိုက်ဖြစ်သော်လည်း

စုဆောင်းထားသော လိပ်ပြာသေရောင်သွေးစုံသည် .. ပြတိုက်ဖြစ်လာသည်။

လိပ်ပြာတစ်ကောင်တည်း၏ လှပမှု ကွာလတီ (Quality) ထက်၊

သာမာန်ဖြစ်သောလိပ်ပြာများ၏အစုအဝေး အရေအတွက် (Quantity) က အံ့ချီးဖွယ်ဖန်တီးမှု ဖြစ်လာစေခဲ့သည်။

ဖန်တီးမှု တိုင်းတွင် အရည်အသွေး (Quality) ထက်..

အရေအတွက် (Quantity) က ပိုအရေးကြီးသည်။

ဖေ့ဘုတ်တွင် ပိုစ့်ကောင်းတစ်ခုကို တစ်ခါတလေ တင်ခြင်းထက်..

သာမာန်ပိုစ့် များကို နေ့စဉ်ပုံမှန်တင်ပေးနေခြင်းက ပိုပြီးစျေးကွက်ရစေသည်။

ဖန်တီးမှု တိုင်းသည် အရေအတွက် မရှိပဲ အရည်အသွေး ကို မျှော်လင့်၍မရ။

အရေအတွက်များများ လုပ်ရင်း အရည်အသွေး ရလာခြင်းမျိုးဖြစ်သည်။

လိပ်ပြာသေတစ်ကောင်သည် အမှိုက် ဖြစ်သော်လည်း၊

လိပ်ပြာသေပေါင်းများစွာသည် .. လူအများအံ့ဩစရာ ပြတိုက်ဖြစ်လာသည်။

ပိုစ့်ကောင်းတစ်ခု ဖြစ်ဖို့ထက်၊

ပိုစ့်များများတင်ပြီး ပြတိုက် တစ်ခု ဖြစ်စေပါ။

ဗွိဒီယိုကောင်းတစ်ခု ရဖို့ထက်၊

ဗွီဒီယိုများများတင်ပြီး ပြတိုက်တစ်ခု ဖြစ်စေပါ။

ထုတ်ကုန်ကြော်ငြာကောင်းတစ်ခုဖြစ်ဖို့ထက်၊

စားသုံးသူများကို ပညာပေးပြတိုက်ကြီး တစ်ခုဖြစ်စေပါ။

တစ်ခုကောင်း၊ တစ်ခါပေါက် ကို အားမကျပဲ၊

မိမိ ဖန်တီးမှု ကို ကြိမ်ဖန်များစွာ၊ အရေအတွက်များစွာ ကြိုးစားရင်း..

လူအများ အံ့ဩ အားကျရသော ..

ပြတိုက် ကောင်းတစ်ခု ဖြစ်စေပါ .. ဟုဆန္ဒပြုရင်း

ကျွန်တော် မာသင္ ၏ ရူ့ဒေါင့်အမြင်လေးတစ်ခုကို မျှဝေလိုက်ပါသည်ခင်ဗျာ။ ။

လွတ်လပ်စွာ ကူးယူမျှဝေ နိုင်ပါတယ်ခင်ဗျာ။ ။

#မာသင်

စီးပွားရေးအကြံပေး