မီးခြစ်ဆိုရင်

ကျွန်တော်တို့ ငယ်ငယ်တုန်းက ယမ်းမီးခြစ်တွေ သုံးတယ်။
ဂတ်စ်မီးခြစ်တွေ ပေါ်လာတော့ ယမ်းမီးခြစ်တွေ မသုံးကြ တော့ဘူး။

အိမ်မှာ တိတ်ခွေဆိုင်လေး ဖွင့်ထားတော့ ပျဉ်းမငုတ်တိုဇာတ်လမ်း၊ ဒေါက်တာဆိတ်ဖွားဇာတ်လမ်း တွေကို တိတ်ခွေ နဲ့နားထောင်ခဲ့တယ်။
စီဒီခွေတွေ၊ ဒီဗွီဒီတွေ တွေပေါ်လာတော့ တိတ်ခွေတွေမရှိတော့ဘူး။

အခုဆို youtube တွေ၊ ဖေ့ဘုတ်တွေရှိတော့ T.V တောင်မကြည့်ဖြစ်တော့ဘူး။

လမ်းထိပ်မှာ ကြော်ငြာပန်းချီဆွဲပေးတဲ့ ပန်းချီဆိုင်လေးတစ်ဆိုင်ရှိတယ်။
ဗွီနှိုင်းတွေ၊ ကွန်ပျူတာ ဆော့ဝဲလ်တွေပေါ်လာတော့ အဲဒီဆိုင်လေး မရှိတော့ဘူး။

ဒီဂျစ်တယ် ကင်မရာတွေပေါ်လာတော့ .. ဖလင်ကင်မရာတွေမရှိတော့ဘူး။

ဂဏန်းပေါင်းစက်တွေ ပေါ်လာတော့ .. ပေတီးမခေါက်တော့ဘူး။

စမတ်ဖုန်းတွေ ပေါ်လာတော့.. ကီးပတ်ဖုန်းတွေ မသုံးချင်ကြတော့ဘူး။

အီးမေးလ်တွေ ပေါ်လာတော့.. စာတိုက်ကနေစာပို့တာနည်းသွားတယ်။

messenger chat မက်ဆင်ဂျာ တွေ ပေါ်လာတော့.. ဖုန်းနဲ့ SMS မပို့တော့ဘူး။

Google map တွေပေါ်လာတော့ .. မြေပုံစာအုပ်တွေ မရှိတော့ဘူး။

အင်တာနက်တွေ ပေါ်လာတော့ .. စွယ်စုံကျမ်းတွေ မထားကြတော့ဘူး။

အခု …

 Sila- Nano Technology နည်းပညာသစ်တွေပေါ်လာပြီ..

 E.V ကား တွေပေါ်လာပြီ..

 Autonomous Vehicles ( A.V ) တွေ ပေါ်လာပြီ..

 3D Printing တွေ ပေါ်လာပြီ..

 Cloud Technology တွေပေါ်လာပြီ..

 Perovskite solar cell ဆိုလာနည်းပညာသစ် တွေ ပေါ်လာပြီ..

 Tiktok တွေ ပေါ်လာပြီ..

 Crypto နဲ့ Blockchain တွေ ပေါ်လာပြီ..

 Loon Project တွေပေါ်လာပြီ..

Space X နဲ့ Aquila Project တွေပေါ်လာပြီ..

Genome Sequencing တွေေ ပေါ်လာပြီ..

Crispr 2.0 နဲ့ DNA editing နည်းပညာတွေပေါ်လာပြီ..

A.I က လူသားတွေရဲ့ ဆုံးဖြတ်ချက်ထဲထိ ဝင်ရောက်လာပြီ..

Robotic နည်းပညာမြင့်လာလို့ Sophia တောင် နိုင်ငံသားကဒ်ရပြီ။

metaverse တွေ ပေါ်လာပြီ..

အင်း .. ဒါတောင် အများကြီးကျန်သေးတယ်။

အသိလေးတစ်ခု ပဲ .. ဝင်လာတယ်..

ပြီးခဲ့တဲ့ နှစ်ပေါင်း (၃၀) အတွင်းမှာ တော်တော်ပြောင်းလဲ သွားပါလားဗျာ..

ကျွန်တော်… တိုးတက်ဖို့ အများကြီး ကြိုးစားရဦးမယ်..

ကျွန်တော် .. ပြောင်းလဲဖို့ အများကြီး ကြိုးစားရဦးမယ် … လို့တွေးမိရင်း ..။ ။