ကိုယ့်ကြော်ငြာကောင်းမကောင်း .. ဒီအချက် (၄) ချက်နဲ့တိုင်းတာပါ။

ကိုယ့်ကြော်ငြာကောင်းမကောင်း .. ဒီအချက် (၄) ချက်နဲ့တိုင်းတာပါ။

ကြော်ငြာမှာ အဆင့် ၄ ဆင့်ရှိတယ်လို့ပြောလို့ရတယ်။

1. Awareness သတိပြုမိစေခြင်း

2. Interest စိတ်ဝင်စားမှုဖြစ်စေခြင်း

3. Desire လိုချင်စိတ်ဖြစ်စေခြင်း

4. Action ဝယ်ယူစေခြင်း

၁။ အရင်ဦးဆုံး အချက်က .. ကိုယ့်ထုတ်ကုန် ကို သတိပြုမိရမယ်။ ( ကြော်ငြာသာပြီးသွားတယ်၊ ဘာရောင်းမှန်းမသိ၊ဘယ်ထုတ်ကုန်ကိုကြော်ငြာမှန်းလဲမသိလိုက်တဲ့ ဘုမသိဘမသိကြော်ငြာတွေအများကြီးပဲ ) အနည်းဆုံးတော့ ကြော်ငြာကောင်းတစ်ခုက ကိုယ့်ထုတ်ကုန်ကို သတိပြုမိသွားစေတဲ့ကြော်ငြာမျိုးဖြစ်ဖို့လိုတယ်။

၂။ ကိုယ့်ထုတ်ကုန် ကို သူတို့သိမှ၊ သတိပြုမိမှသာလျင် … ကြည့်သူအနေနဲ့ စိတ်ဝင်စားတယ် စိတ်မဝင်စားဘူး ဆိုတာဖြစ်မယ်။ စိတ်မဝင်စားဘူးဆိုလဲ . .. ဒီမှာ ပြတ်ပြီ၊ ပြီးပြီ၊ ဆက်မကြည့်နဲ့တော့ ။ စိတ်ဝင်စားသူဆက်ကြည့်လိမ့်မယ်။ ဒါကြောင့် ကြော်ငြာကောင်းတစ်ခုက စိတ်ဝင်စားစရာ ဖြစ်ဖို့လိုတယ်။

၃။ စိတ်ဝင်စားတယ်ဆိုရင် .. ဆက်ပြီးတော့ .. ကြည့်သူအနေနဲ့ လိုချင်တယ် ၊ မလိုချင်ဘူး ဆိုတာ ဖြစ်မယ်။

မလိုအပ်ဘူး၊ မလိုချင်ဘူး ဆိုရင်လဲ .. ဒီမှာ ပြတ်ပြီ၊ ပြီးပြီ၊ ဆက်မကြည့်နဲ့တော့ ။ လိုချင်စိတ်ရှိတဲ့သူဆက်ကြည့်လိမ့်မယ်။ ကြော်ငြာကောင်းတစ်ခုက လိုအပ်မှုတစ်ခုကို ဖော်ပြပြီး ကြည့်ရူသူလိုချင်စိတ်ဖြစ်လာအောင်လုပ်ဆောင်နိုင်စွမ်းရှိရလိမ့်မယ်။

၄။ လိုချင်တယ် ဆိုမှ … ဆက်ပြီးတော့ .. ကြည့်ရူသူအနေနဲ့ ဝယ်မယ် ၊ မဝယ်တော့ဘူး ဆိုတာ ဆုံးဖြတ်လိမ့်မယ်။

မဝယ်သေးဘူး ဆိုလဲ ပြတ်ပြီ၊ ပြီးပြီ.. ။ ခက်တာက .. စားသုံးသူအများစု က ဝယ်တော့ဝယ်မယ် ဒါပေမယ့် အခု တော့မဟုတ်သေးဘူး .. ဆိုတာများတယ်။ ဘယ်လောက်များလဲ ဆိုရင် (၇၀%) ရှိတယ်လို့ဈေးကွက်သုတေသနအများစုကဆိုတယ်။ ဒါဆိုရင် .. ဒီလို စိတ်ဒွိဟဖြစ်ပြီး အီးလေးအချိန်ဆွဲနေတဲ့ စားသုံးသူကို ချက်ခြင်း သွားဝယ်ဖို့ အတွက် တိုက်တွန်းမှု တစ်ခုလိုတယ်။ အဲဒါ ပရိုမိုးရှင်းပဲ။

စားသုံးသူအချို့ အတွက် ကုန်ပစ္စည်းတစ်ခုက ကောင်းမှန်းလဲ သိတယ်။ လိုလဲလိုချင်တယ်.. ဒါပေမယ့် မဝယ်သေးဘူး ဆိုတဲ့ အဖွဲ့သက်သက် ကိုရှိတယ်။ ဒီလိုစားသုံးသူတွေအတွက်အကောင်းဆုံး တွန်းအားတစ်ခုက ပရိုမိုးရှင်းပဲ။

ဒါကြောင့်.. ကြော်ငြာ ပြီဆိုရင် … စားသုံးသူကို ဘာလုပ်ရမလဲ .. ဆိုတဲ့ လုပ်ရန် (Action) တစ်ခု နဲ့အဆုံးသတ်ပါ။

အဲဒီလုပ်ရန်ကို ပရိုမိုးရှင်း တစ်ခု နဲ့တွန်းအားပေးပါ။ အဲဒါမှ ကြော်ငြာ အစစ်။

မဟုတ်ရင် .. ကိုယ့်ကြော်ငြာဗွီဒီယိုက ငွေကုန်ပြီး၊ ကြည့်ကောင်းတာပဲရှိမယ်။ ရောင်းအားက တက်လာမှာမဟုတ်ဘူး။

#မာသင်

#ရောင်းအားမြင့်ပရိုမိုးရှင်း(၃၀)သင်တန်း